సంగమస్థానం

సంగమస్థానం 

ఎవరి కంటా పడని 

సంగమస్థానం కోసం వెదుకుతూ కాబోలు 

ఆ నింగి ఈ నేల  ఇంకా సంగమించనిది. 

********

జయకేతనం 

కలలన్నీ గెలిచాయని 

కంటి నుండి జారిన బిందువులో 

నీ రూపాన్నే నిలిపి 

మళ్ళీ మళ్ళీ జయకేతనం ఎగురవేస్తుంది 

నా మనసు. 

********

వసంతం 

ఒకింత ఓపికతో తనకై నిరీక్షిస్తూ 

ప్రాణాలను నిలుపుకున్న ఆ వనాలకు 

తన పంచ ప్రాణాలు పంచేసింది 

ఆ వసంతం. 

******

యుగళగీతం 

జడివాన వదిలేసిన ఒంటరి రాతిరితో 

యుగళగీతం పాడుతున్నాయి 

ఆ కీచురాళ్ళు. 

*******