Tuesday, July 28, 2015
Friday, July 24, 2015
ఆవిష్కరించు
పొంగిన లావా, పచ్చని బయలైనట్లు
పొంగిన కన్నీరు పచ్చని బ్రతుకీయదేమి?
కడకు చేరిన అలలకు నురుగు నవ్వులు తోడైనట్లు గాక
తుదికి చేరిన ముదిమికి మోదమెందుకాయే ఎoడమావి?
ఊహాశ్వ సారధ్యాన అందుకున్న స్వర్గపు ఆతిధ్యానికై
మది దాటి మిన్నునంటదేమి చింతనా స్రవంతి
ఔదార్యమే మతమన్న విలాసహాసపు ప్రకృతింట
స్వార్దమే వేదమాయనేమి పాలనా సంస్కృతికి
సహకారపు సొబగు, సారస్వతపు జిలుగు నెరుగని
వెలలేని బ్రతుకులు ఏపాటి విలువ సేయు?
యోచనతో ఆవిష్కరించవోయ్ నిన్నటి ఆ విలువలను
విమోచన మప్పుడేనోయ్ రేపటి నవతరానికి
********
Subscribe to:
Posts (Atom)