వేణువు
ఊపిరి జత చేశానంతే
నా మనసునిలా ఖైదు చేసిందేమిటోయ్!
ఈ వేణువు
******
చెక్కిళ్ళు
వాలిన రెప్పల పైనుండి
జారుతున్న నునుసిగ్గును
ఎంతందంగా పట్టుకున్నాయో
చూడామె చెక్కిళ్ళు
******
తొలకరి
ఆడుతున్న ఆ నెమలి కాళ్ళకు
గజ్జె కట్టింది నా పాట
ఇక కరిగి నీ గుండె తొలకరిగా
కురవక తప్పదు నేస్తం
******
మేటి జవరాళ్ళు
ముద్దులలోని మాధుర్యాన్ని
మొదట ఆ రాతి గుండె వాడికి
రుచి చూపించి, ఆనక
ప్రణయ పారవశ్యాన కరిగి
ప్రియుని ఒడిలో ఒయ్యారంగా ఒంపులు తిరిగే
మేటి జవరాళ్ళు కాదటోయ్ ఆ మేఘాలు
********
No comments:
Post a Comment