అందాలవిందు

అందాలవిందు 

అద్దంలాటి మనసు , ఆతిథ్యమీయాలన్న ఆశ!

ఈ రెండూ చాలవా? ఆకాశం కూడా మురిసిపోయేంత 

అందాలవిందును ఆ నిండు జాబిలికి వడ్డించ నేనంటూ 

చూడు ఎలా మిడిసిపడుతోందో అందాల ఈ పల్లెచెరువు. 

*********

అందమైన అలజడి 

నాలుగు రాళ్ళను లోనికేసుకుంటూ!

అలజడిలో కూడా అందముంటుందంటుందా చెరువు 

నిజమేనంటావా?

*******

కొంగ 

పుల్లంత కాళ్ళతో ఇంతటి దేహాన్ని ఎలా మోసుకొస్తున్నావంటూ 

తనను వెక్కిరించేలోపే ఇంతిల్లున్నా 

దాక్కోవడమే రాని నిన్ను నా గొంతులో దాస్తానంటూ 

గుటుక్కున చేపను మింగిందా కొంగ. 

********

నీ కన్నులంటే ......

 

నాపై ప్రేమను చెప్పే  నీ పెదవులకన్నా 

మౌనంగా నీ ప్రేమను తెలిపే 

నీ కన్నులే నాకిష్టం. 

*******