Follow by Email

Friday, February 21, 2014

వలపు పేరంటం

వలపు పేరంటం
నా ఏకాంతాన్ని పంచుకుంటూ 
ఆ వెన్నెల ఇంకా ఇంకా వెలిగిపోతుంటే,
వలపు పేరంటపు తోరణాన్ని 
ఎంతందంగా కట్టిందో చూడా కలువ 
నా కనుదోయి వాకిట. 
*****
ఆధునిక కాపురాలు
అయితే నిశ్శబ్దం లేదా రాద్ధాంతం అనే 
రెండు సేతువులే అనుసంధానిస్తున్నాయి 
కొన్ని ఆధునిక కాపురాలనీమధ్యన 
******
ఆధునిక అందాలు
ఆభరణాలను, ఆచ్చాదనలను వదిలేసి 
నిగ్రహాలు, గౌరవాలు కావాలంటున్నాయి 
ఆధునిక అందాలు కొన్ని 
******
మౌనరాగాలు
పొదల ఎదలలో దాగిన 
మౌనరాగాలను తన గొంతుతో 
ఎంత చక్కగా ఆలపిస్తుందా గాలి. 
******

Wednesday, February 19, 2014

రాచపీనుగ

రాచపీనుగ
రాచపీనుగ ఆ సాంప్రదాయం 
అందుకే గౌరవమర్యాదలు 
దానికి తోడుగా అలా...... 
*****
మధురగానం 
మనసు కరిగించే మధురగానాన్ని
వినిపించబోతోందా ఆకాశమని కాబోలు 
ఒళ్లంతా చెవులు చేసుకుందా బీడు. 
*****
కన్నీళ్లు
ఎందుకని చెప్పలేక అవి మూగవై 
అర్ధం చేసుకోవడంలో 
అంధత్వాన్ని ఆపాదిస్తున్నాయి 
నా మనసుకు ఆ కన్నీళ్లు.
******
పచ్చల తాంబూలం
పుడమికి పచ్చల తాంబూలమీయడానికి 
మేఘాల తలపాగా చుట్టుకుని 
ఎలా పెద్దమనిషిలా నిలబడిందో 
చూడా కొండ . 
******

Tuesday, February 18, 2014

వెలుగుధారలు


వాన ధారలే కాదు
సూర్యచంద్రులకు అడ్డెళ్లి
అప్పుడప్పుడు
వెలుగుధారలనెలా కురిపిస్తోందో
చూడా మేఘం


















































                                                                       ****

Monday, February 17, 2014

ఓ చెలీ...

ఊహల 
పుష్పకం కాదా! విరహమంటే 
ఓ చెలీ....!
*******
నాపై కురిసిన నీ కరుణ వర్షం 
సశ్య గీతమై! నన్ను రవళిస్తుంది
ఓ చెలీ....!
******
ఈ ప్రకృతి లోని అణువణువులో నిన్ను చూడడం, నాకు 
నా మనసులోని అణువణువులోను నిన్ను వెతకడం, 
ఆ ప్రకృతికి
 వెన్నతో పెట్టిన విద్యలే ఓ చెలీ...!
******
కలసిన మన మనసులు 
అనుభూతుల సారస్వతాన్ని రచిస్తున్నా!
కలసినప్పుడల్లా ఓనమాలే దిద్దుతుంటాయేమిటో!
మన కన్నులు ఓ చెలీ....!
******

Monday, February 3, 2014

మెతుకు

మెతుకు
పేగుకు మెతుకును 
దగ్గర చేయడానికి 
ఎంతెంత దూరమౌతున్నారు 
ఈ మనుషులు 
*****
కాలం మాన్పని గాయం
కాలం మాత్రం లోకపు గాయాలను 
మాన్పుతోందేమిటోయ్ ఈ మధ్యన !
గీత ప్రక్కన పెద్దగీతను గీస్తోంది తప్ప 
******
పబ్బులు 
గబ్బిలాలు, గుడ్లగూబలే 
గడియారాలోయ్!
ఆ పబ్బుల్లో 
******
భోగం
ఎంతభోగమో 
నీడకి!
నేలే బోయీ అయింది 
*****