నిశ్శబ్ద గగనం

నిశ్శబ్ద గగనం  

అలిగి కూర్చున్న ప్రేయసిని 

కదిలించాలని కాకపోతే 

నిశ్శబ్ద గగనానికా ఉరుమెందుకు?

********

పుస్తె 

పుత్తడి వర్ణానికి తిరిగిందా చేను 

పుస్తె కరిగించా రైతు ఇల్లాలిది. 

*******

నలుసు  

గుండె బద్దలై  

కంటిలో నలుసౌతుందేమో 

లేకుంటే కన్నీళ్ళెందుకలా...... 

*******

అద్దం 

ఎంత యావో చూడా అద్దానికి 

ఎప్పుడూ ఏదో ఒకటి 

తలపోస్తూనే ఉంటుంది. 

********

కన్నీటి బొట్లు 

కరిగి విరిగిన రెండు సందర్భాలలో 

నా మనసుకు ప్రతినిధులు 

ఈ రెండు కన్నీటి బొట్లే. 

******