మనసుఆకలి

మనసుఆకలి 

చెరువంత విస్తరిలో 

కొసరి కొసరి వెన్నెల వడ్డించే ఆ జాబిలింట 

విందందుకున్నావేమిటోయ్ ఎపుడైనా 

అన్నానని కాదుగానీ అప్పుడప్పుడూ మనసు ఆకలి కూడా తీర్చాలోయ్ 

ఏమంటావ్?

*******

ఏకాంతశిల్పి 

నన్నానందింపజేయడానికి నా ఏకాంత శిల్పి 

నిన్ను చెక్కి నా మనసు నింపి 

తానెక్కడికో వెళ్ళిపోయాడు. 

********

పిలవని పేరంటం 

తలుపులన్నీ మూసేసినా 

పిలవని పేరంటానికి 

ఎంత దర్జాగా వచ్చిందో చూడా చీకటి. 

******

మెరుపు సుందరి  

చీకటిలోనూ ఆ మబ్బుల గుంపుల్లో 

దారి చేసుకుంటూ ఎక్కడికి పోతోందో 

ఆ మెరుపుసుందరి. 

******