Monday, April 8, 2013

మృదువైన పరిచయాలు

మృదువైన పరిచయాలు 
మృదువైన పరిచయాలు ఎక్కువైతే,
మధుధారలు పొంగి పారవేమిటోయ్ జీవితాంతమని 
అంటున్నాయి ఆ తేనెటీగలు 
నిజమేనేమిటోయ్?
*******
పురుటినొప్పులు  
లెక్కలేనన్ని వాన చినుకులను కనడానికి 
ఆ మేఘాలు పడుతున్న 
పురుటినొప్పులేనోయ్ ఈ ఉరుములు. 
********
చిరునవ్వుల వడ్డీ  
అడగ్గానే ఇంత అందాన్ని 
అరువిస్తుందని!
అడక్కుండానే చిరువన్నుల వడ్డీ 
కడుతుంటాను ఆ అద్దానికి. 
*********
గూడు 
కిలకిలమంటూ సందడిగుండే 
ఎన్ని ఇళ్ళకు 
ఒంటి గడపో ఈ కొమ్మ. 
*******

1 comment: