విప్లవ బావుటా
నాపైనే నా మనసు
విప్లవబావుటా ఎగరేస్తుంది
నీకు చేరువ కమ్మంటూ.
********
దాహం
ఎంత దాహమై నాపై పడ్డావో
నా హృదయమంతా కరిగించి
నీ దాహం తీర్చాలనుకున్నా
పాడు గాలి ఒక్క క్షణం ఆగితేగా!
అంటుంది ఆ చెరువు తనపై పడిన చెట్టు నీడతో.
*********
కాలిబాట
నా నడకల్లో తాను మొలిచి
నా అడుగుల నలుగుతూ కూడా
అంతకంతకు అందంగా తాను తయారై
నా గమ్యాలను చేరువ చేస్తుంది
ఆ కాలిబాట.
*********
మధురసంగీతం
మనసుని తాకే
మధురసంగీతాన్ని వినిపించడానికి
పచ్చిక గాలిలో తనను తాను మీటుకుంటున్నది
చెవియొగ్గి ఓ సారి వినలేవా?
********
andhukanenaa.. intha manchi kavithatho cheruvayyaaru... baavundhadi mee viplava baa(vu)ta
ReplyDeletewelcome to my blog and thank you very much
Delete