బిడియం

బిడియం 

దాటనా? వద్దా? అంటూ బిడియపడుతూ 

నీ పెదవిని దాటేసి, నాకెంత 

గాయంచేసి కూర్చుందో చూడు 

ఆ నీ చిరునవ్వు. 

********

వసంతం  

నల్లది  పిలిస్తే వచ్చిన పచ్చది 

తెల్లని నా కంటిని ఎరుపెక్కించి బహుమతిగా 

నాలుగు ఆనందబాష్పాలు రాల్చుకుంది 

ఈ తోటలో. 

********

రాయికీ మనసు.... 

నా మెడలో చేరిన పూలహారంతో 

అందరూ నన్ను మొక్కేరు. నన్ను నిలిపిన నా దేవుణ్ణి 

నే మొక్కలేక పోతున్నానంటూ వాపోతోందా శిల్పం.  

రాయికీ మనసుందోయ్. 

*******

పచ్చని వలువ 

తామిచ్చే చిరుస్పర్శకే  పులకరించిపోయే 

ఆ ప్రేమికుని మేనిపై 

పచ్చని వలువ నేయాలని 

ఆ మేఘాలు గిరిని కప్పుతున్నాయి. 

********