ఇంద్ర ధనుస్సు

ఇంద్ర ధనుస్సు

ఎడబాటు ఫలించిన
నీ, నా కన్నుల నడుమ
సప్తస్వరాలను నేర్చుకుంటున్న
సప్త వర్ణాలను చూసి
ఉలికి పడుతుందా ఇంద్రధనుస్సు.
***********
మహా సంగ్రామం
ఊయలూగే పసిపాపలా ఐనా
నిలబడడం వచ్చిన యోధుడిలా ఐనా
మహాసంగ్రామమే చేయడమొచ్చా దీపానికీ చీకటితో.
***********
చితులు
లోకానికంతటికీ
వెలుగు చూపడానికి
ఎక్కడికక్కడ చితులను
వెలిగించిందీ చరిత్ర.
*********
అవినీతి
నాలుగు అడుగులు వెనక్కి వేయడమే
నేర్పిందా ఆకలి క్రూర మృగానికి కూడా
కానీ కడుపు నిండిన మానవ మృగానికి
అవినీతో?
************
పొద
పొద ఎదలో చేరి
తాను కనిపెట్టిన రహస్యాన్ని
అడవి కంతటికీ చెప్పేదాకా
కుదురెక్కడ వస్తుందా గాలికి.
*********