మధురానుభూతులు

మధురానుభూతులు 

మరచిపోలేని మధురానుభూతులెన్నో 

తన మగడి చెవిన వేయాలన్న ఆత్రమోవేపు లాగుతుంటే 

అంతలోనే ఆ ఊసులన్నీ విని వాడేమనుకుంటాడోనన్న 

బిడియమింకోవైపు లాగుతుంటే 

ఆనందంలో అనుమానాన్ని కలుపుకుని 

సుడులు తిరుగుతూ ఎంతందంగా సాగిపోతోందో 

చూడా గోదారి.

********

ఏడడుగులు 

ఆకాశం కురిపించే 

ప్రేమధారకు కరిగి 

ఏడడుగులు వేస్తుందా మన్ను 

అదిగో అలా.......

*******

గుండెచప్పుళ్ళు 

గుప్పెడు అక్షరాలు చాలు 

నా గుండెచప్పుళ్ళనీ దిగంతాలలో 

ప్రతిధ్వనింపచేయడానికి.

*********

ఆణిముత్యాలు 

పడినా లేచినా 

ఆగక నవ్వే ఆ కడలి అంతరంగంలో 

ఆణిముత్యాలు కాక ఇంకేమిటుంటాయోయ్.

********