పిల్లనగ్రోవి
కష్టపడి తన ఇంటికొచ్చిన అతిథిని
యోగక్షేమాలు కూడా అడగకుండా
ఇట్టే సాగనంపేసి కూడా
నాతో అన్ని ఆనందబాష్పాలు పెట్టించడం
ఆ పిల్లనగ్రోవికే చెల్లు.
*******
విలువలు
పాతాళంలో పందిరల్లుతున్న
ఆ తీగలకు
విలువలని పేరు.
********
కారుమేఘాలు
మౌనం తప్ప ఇంకో భాష తెలీదన్నట్లు
ఎదురు బదురు చూసుకుంటూనే
రోజులు గడిపేస్తున్న ఆ నింగి నేలలను
కలిపే బాధ్యతను భుజాన వేసుకుని
కరిగిపోయాయా కారుమేఘాలు.
*********
నా పరిచయం
నా పరిచయం
తనలోని చిత్రకారుణ్ణి
బయటకు తెచ్చింది
అంటుందా అద్దం.
*******
No comments:
Post a Comment