నీవు
నీ పరిచయం
ఏమి మిగిల్చింది నాకు
నాలో లేని నన్ను తప్ప
నీ అజ్ఞాతం
ఏమి మిగిల్చింది నాకు
నీకై వెదికే నన్ను తప్ప.
******
ఓ క్షణం చాలు
ప్రకృతిని నీవు చూడడానికి
ఆ క్షణమే చాలు
ప్రకృతి నీవవడానికి.
******
తన రహస్యాలు తెలుసుకోమంటూ
ప్రకృతి నా ముందు పరుచుకుంటే
నీవు మాత్రం రహస్యంగా నన్ను నీలో దాచి
నా ప్రకృతివైనావు.
*******
నీ గురుతులను దాచుకోవడం
ఆ గురుతులతోనే
నన్ను నేను వెతుక్కోవడంలోనే
నాకు నేను దూరమైనాను.
*******
నా హృదయ స్పందనలను నీ కనురెప్పలు
నిశ్సబ్దంగా పాలిస్తున్నాయి
వేయి వేల వరాలజల్లులా
నా పై అవి కురుస్తుంటే
ఈ లోకం నివ్వెరపోతోంది.
******
No comments:
Post a Comment