సజీవ సౌందర్య శిల్పం

సజీవ సౌందర్య శిల్పం 

తన జీవితమో సజీవ సౌందర్య శిల్పమని చెప్పడానికే 

రాల్చి దాల్చుతుందా శిశిర వసంతాలను 

ఈ మాను.

*********

అల 

పడి లేస్తూనే అప్పటికప్పుడే 

కొత్త జీవితానికి తోరణాలు 

ఎంతందంగా కట్టుకోగలదా కడలి అల.

********

నేతగాడు 

తానే ఆ బట్టకు వేలాడి 

తాను నేసిన బట్ట ఎంత నాణ్యమైనదో 

చెప్పకనే చెప్పాడా నేతగాడు.

********

తోటమాలి 

హృదయ క్షేత్రాన 

వెలుగనే విత్తొకటి నాటి 

లోకమంతటా దాని ఫలాలను 

కోసుకునే తోటమాలిని నేను.

*******