విలువలు

విలువలు 

మనిషిని మేల్కొల్పీ మేల్కొల్పీ విసుగెత్తి 

ఆఖరికి ఆ పుస్తకాల్లో చేరి 

విశ్రాంతి తీసుకుంటున్నాయా విలువలు.

********

ఆనందబాష్పాలు 

లోకమంతా పరచుకున్న 

ఆహ్లాదాన్ని చూస్తూ ఆకులన్నీ 

ఆనందబాష్పాలు రాలుస్తున్నాయి 

ఈ పొగమంచు వేళ.

********

భావగీతం  

పంట చేల మీదుగా 

వినిపించే ఆ గోదారి పాడే భావగీతమే 

నా జీవితం.

********

కట్టు బానిసలు  

కొందరి వికాసాలకు 

ఇంకొందరి చెమట చుక్కలు 

కొందరి వినోదాలకు 

ఇంకొకరి కన్నీటి బొట్లు 

కట్టు బానిసలు.

********

వానచినుకు  

వీడొచ్చిన ఆకాశాన్ని 

కడసారి చూడడానికని 

ఒళ్ళంతా కళ్ళుచేసుకుని 

నీటి బుడగ అవతారమెత్తింది 

ఆ వానచినుకు. 

*******