గోపికలు

గోపికలు

తెల్ల వారుతూనే 

చల్లనమ్మబోయే గోపికలు ఆ పచ్చికలు 

వారితో ఆడుతూ ఆ చల్లను 

మాయం చేసే కృష్ణుడు ఆ సూరీడు .

*******

మూడు కాలాలు  

ఆ కొండకు పట్టిన స్వేదాన్ని 

వదిలించేలా స్నానం చేయించి 

దుప్పటి కప్పి నిద్రబుచ్చడానికే 

ఈ మూడు కాలాలున్నది.

********

శూన్యాలంకరణ 

తాను శోభించడానికి శూన్యాలంకరణ చాలని 

ఓ పక్క చెబుతూనే లెక్కకు మించిన 

ఆశలపై మోజు పడడం  

ఆ మనసుకే చెల్లింది.

*******

రూపాంతరం  

వికాసాల లేత చేతులకు 

ఆ అనుభవాల వేళ్ళు 

అందించలేనంతగా 

రూపాంతరం చెందాయా అనురాగాలు.

*******