మౌనం
మా కన్నా మా ఇద్దరి
మౌనాల సాహచర్యమే ఎక్కువ
అది తెలిసే ఆదమరచి మేం
ఒకరి కళ్ళలోకి ఒకరం చూసుకుంటాం
తప్పా.......
**
మౌనం మౌనం కలసి
ఎలా మాట్లాడు కుంటాయంటే
రెండు గుండెల చప్పుళ్ళను
నెమ్మదించి
నాలుగు రెప్పల సవ్వడిలా.
**
నీవైన ఎన్నో తలపులను
పల్లవిస్తుంది
నా మౌనం.
**
నీ మౌనం లోనే
తానెదుగుతున్నానని
నా మనసెప్పటికీ
మరచిపోదు.
**
వాడని తోరణంలా
ఒక్క నీ మౌనాన్ని
అలంకరించుకుని నా మనసు
ఎన్ని అనుభవాలను
ఆహ్వానిస్తోందో.
*****
No comments:
Post a Comment