ప్రియుని రూపు

ప్రియుని రూపు 

ఎంత కదిలించాలని చూసినా

కదలక నిలబడి ప్రియుణ్నే చూసే 

ఆమెను ఏమీ అనలేక 

పదిలంగా ఆ ప్రియుని రూపు పట్టి 

ఆ కలువభామినికిచ్చి అలసట తీర్చుకుంది 

ఆ తటాకం.

******

 ఆమె అడుగులు 

ఆమెనిక చేరకపోయినా పరవాలేదు 

ఆమె అడుగులలో 

నా అడుగులు పడుతున్నాయి 

అది చాలు.

******

ప్రకృతి 

ఓ క్షణం చాలు 

ప్రకృతిని నీవు చూడడానికి 

ఆ క్షణం చాలు 

ప్రకృతే నీవవడానికి.

*******

కొరడా  

మెరుపు కొరడా ఘుళిపిస్తే 

ఇన్ని చెమటలు బోసాయా?!!

ఆ ఆకాశానికి.

*******