వర్షరాగం

వర్షరాగం 

పరిమళ మంత పారవశ్యాన్నే కాదు 

మొలకలెత్తినంత ఆనందాన్నీ 

చూపగలదా మన్ను 

 హర్షాన రవళించిన 

ఆ వర్ష రాగాన్ని వింటూ.

*********

అత్తగారు 

గుభాళించే పువ్వుల్లాటి పిల్లల్ని 

వేలు లక్షలుగా కని కూడా 

ఆ తోట దక్కించుకోలేని అత్తగారన్న గౌరవాన్ని 

ఇద్దరంటే ఇద్దర్నే కని దక్కించుకుందా చెరువు 

సూర్య చంద్రులను అల్లుళ్ళుగా సంపాదించి.

********

'గాలి' తో సావాసం  

'గాలి'తో సావాసం చేసి 

తనలోని భావుకతను 

బయట పెట్టుకుంటే ఆ ఎడారి 

'గాలి'తో చెలిమి చేసి తన వైభోగాన్నే 

పోగొట్టుకుందీ న్యాయం.

*******

వాన పాట 

ఒక్క వాన పాట పాడి 

తన వసంతాన్ని 

శిశిరంగా మార్చుకోగలదా ఆకాశం.

********