సంఘర్షణ

సంఘర్షణ 

నిజానికి శాంతి కన్నా 

సంఘర్షణేనోయ్ 

ఎక్కువ వికాసం 

నేర్పిందీ మనుషులకి.

******

అన్వేషణ 

వెలుగుతూ 

ఆ చీకటి శిరస్సుకై 

వెదుకుతుంటే ఆ దీపం 

దాని కింద నలుగుతూ 

ఆ దీపపు చరణాలకై 

అన్వేషిస్తుందా చీకటి.

*******

అలక 

అలిగి ముఖం చాటేయడం కంటే 

కోపంతో నా మేనంతా విరుచుకు పడితే 

ఎంత బావుణ్నీ వెన్నెల 

అంటుందా పుడమి.

*******

నక్షత్రాలు 

అకాశానికా మిణుగురులు 

అంకితమిచ్చిన దీపాలే 

నక్షత్రాలు.

*********