కథలెక్కడ?
కంచికెళుతూ! మంచిని పంచిన
నాటి కథలెక్కడోయ్ నేడు?
చూడు చూడు.. ఆ విలువలు చేరిన చోటకే
చేరిపోయాయా ఏమిటి?
*****
కలల మధువు
పూలై విచ్చిన ఊహల నుండి,
కలలనే! మధువును గ్రోలుతుంది నిదుర
తుమ్మెదై
******
దర్పణం
నన్ను కాసింత నవ్వించి,
నా కన్నులాస్వాదించే
మెరుపును కన్నదా దర్పణం.
******
ఆనంద బాష్పాలు
ఊరు ఊరంతా కొత్తబట్ట
కట్టబెట్టింది ఆ పొగమంచని
ఎన్నెన్ని ఆనంద బాష్పాలను రాల్చుతున్నాయో
చూడా ఆకులు ఈ పూరేకులు
*******
No comments:
Post a Comment