నీటి ముత్యాలు
రాతిరంతా ఈ ధాత్రి చేసిన
అతిథి మర్యాదకు మెచ్చి
ఆ చీకటి జార్చిన ఆనందబాష్పాలే
ఈ పచ్చికల తలపై నీటిముత్యాలయినాయి.
******
సంతసం
మెరిసినంత
ఎంత సంతసమో నీకని అడిగేంతలో!
కరిగి నన్ను చేరేంత అని
బదులిస్తూ ఉరుముతుందా ఆకాశం.
********
సరసాలాట
చిగురాకు చాటునొరిగి,
గాలి సయ్యాటన నాడే ఎరిగిన సరసాలాటను
కన్నులారా గాంచి కాదా
ఇప్పుడు నీ సిగన
ఫక్కున నవ్వేదా మల్లె మొగ్గలో చెలీ.
*******
No comments:
Post a Comment