మనసు లోపల....
పుడమి గుండెల్లో,
కడలి లోతుల్లో ఏముందో
ఇట్టే కనిపెట్టేసే మనిషి మనసు
తన లోపల ఏముందో మాత్రం......
******
పలుకే....
పలుకే బంగారమాయెన అంటూ
ఎంత బాగా భవిష్యత్తుని
చూడగలిగారో ఆ త్యాగరాజు అని
నాకిప్పటికి అర్ధమైందోయ్
ఆ కొత్త సినిమా పాటను వింటుంటే
********
తొందర పడితే
వసంతం విరబూయించిన ఆ పూల సిరులు
రాతిరికా మిణుగురులకు విడిదైతే
అమ్మో! అంత అందాన్ని చూడాలని
ఆ సూరీడే తొందరపడితే ఎలా మరి
*******
ఊహాచిత్రం
గాలి గీస్తున్న
ఊహాచిత్రం
ఆ ఎండుటాకు
****
No comments:
Post a Comment