నీవు
నాకే అందని
నా మనసు లోతుల్లోకి చేరి నీవు
ఆ ఆకాశాన్ని మించిన శిఖరంలా
నిలిపేవు నన్ను.
********
మనసు
అంతు అఘాతము రెండూ తెలియని
కడలిలాటిదేనోయ్ మనసూనూ
మరి మథించి అమృతాన్ని పొందలేక
వేదన అనే హాలాహలంతోనే
సరిపెట్టుకుంటావేమిటోయ్.
*********
కలల ఆచూకి
కలల ఆచూకీనే కాదు
కలల చిరునామానూ
చెరిపేస్తున్నాయా పుస్తకాలు
పోటీ పెట్టి మరీ పరుగులెత్తిస్తూ
ఆ పిల్లల్ని.
*********
సంఘీభావం
నవ్వుకు సంఘీభావం తెలిపి
ఏడుస్తున్న కళ్ళను చూస్తూ కూడా
ఏడుపుకు సంఘీభావం చూపుతూ
ఆ పెదవులు నవ్వవెందుకని?
*********
No comments:
Post a Comment