మినీ కవితలు

అన్వేషణ 

వెలుగుతూ 

ఆ చీకటి శిరస్సుకై 

వెదుకుతుంటే ఆ దీపం 

దాని కింద నలుగుతూ 

ఆ దీపపు చరణాలకై 

అన్వేషిస్తుందా చీకటి.

*******

ఆణిముత్యాలు 

పడినా ,లేచినా 

ఆగక నవ్వే ఆ కడలి అంతరంగంలో 

ఆణిముత్యాలు కాక ఇంకేమిటుంటాయోయ్.

********

రాగాలాపన 

తన గొంతు పిసుకుతున్నా 

నీ శ్వాస సీమలో 

తన మనసుతో ఎన్నెన్ని 

రాగాలాలపించగలదా పువ్వు.

*******

వీలునామా 

తన ఒయ్యారపు వీలునామా 

చెల్లుబాటు కావడానికి 

ఆ ఆకాశపు చేవ్రాలు కోసం 

ఎదురుచూస్తుందా గోదారి.

*******