స్వప్నాలు

స్వప్నాలు

నే కన్న కలలన్నీ కరిగి 

కనుజారి అలలైనాయని తెలిసి 

చూడా సంద్రం తను కన్న 

స్వప్నాలనెలా దాచుకుందో, ముత్యాలుగా. 

********

స్వేచ్ఛ

తనను అణచి కూడా 

ఆకాశమంత స్వేచ్ఛనిచ్చింది 

ఈ మన్నేనని కాబోలు 

మానైనా ఈ మన్నునొదలదా విత్తు. 

********

బాల కార్మికులు

చమురంతా బయటకే ఒలుకుతుంది కనుకే 

చీకటిని గడప దాటించలేని దీపాలు 

ఆ బాలకార్మికుల నయనాలు . 

********

ఆచారాలు

మెట్టినింటి ఆచారాలను 

ఎంత అలవోకగా నేర్చుకుంటుందో చూడా నది 

సాగరాన్ని సమీపిస్తూనే. 

*********