Tuesday, February 26, 2013

మనోహర రహస్యం

మనోహర రహస్యం 
 
ఎవరు మీటుతున్నారు మిమ్మల్ని 
ఇన్ని శృతులను మాకై వినిపిస్తున్నారు 
ఎవరు నేర్పుతున్నారు మీకు 
మీలో మీరు కలసి ఇన్ని వగలను మాకై ఒలకబోస్తున్నారు 
తనకు తెలుసేమో! నని ఆ నింగిని నేనడిగితే 
నాకేమీ తెలీదంటూ చేతులు దులుపుకు కూర్చుంది! నిర్మలంగా 
నువ్వైనా చెప్పమంటూ ఈ నేలను నేనడిగితే  
తనలోని అణువణువునూ నింపుకు కూర్చుంది! శ్యామలంగా 
అందుకే మళ్ళీ మీరోచ్చే వేళైనా 
మీ గుట్టు విప్పుతానంటూ చేతులు చాచి కూర్చుంది నా మానసం 
అదిగో చినుకు చినుకుగా కరిగి 
నా దోసిట పడి మీరు చెప్పేరు!
మా నేస్తులను యడబాయలేనితనం 
నేర్పింది మాకిన్ని శ్రుతులనని 
బొట్లు బొట్లుగా తిరిగి ఈ పుడమిపై కలసిన పారవశ్యం 
నేర్పింది మాకు ఈ ఒయ్యారమంటూ 
ఆహా!  నా మనసు దోసిట్లో.., మీ మనోహర రహస్యం 
వేయి వానవిల్లులై విరిసింది ఇదిగో ఇలా.... 
**********

6 comments: