విడిపోయిన జంట

విడిపోయిన జంట 

ఏనాడో విడిపోయిన జంటే 

కానీ నా చూపులకై నిరీక్షిస్తూ 

అక్కడక్కడా అప్పుడప్పుడూ 

కలుస్తుంటాయా నింగీనేలలు.

********

వసంతం 

ముసలి ముతక 

అందరినీ తరిమేసి 

నిఖార్సైన పడుచులతో 

సరసమాడుతుందా వసంతం.

********

కరిగే హృదయం 

కరిగే హృదయం తనకుందని తెలిసే 

తాను కరిగి మరీ ఈ నేలకంకితమైంది 

ఆ నింగి.

*******

ఆకర్షణ 

ఎంత ఆకర్షణ ఉన్నా 

ఏం లాభం నాకు 

ఆకాసమంతటి ప్రియుడు 

అక్కడే ఆగిపోయాక 

అంటూ కుమిలిపోతుందీ భూమి.

********