హేమంతం
తెల్లారకుండానే ఏమి సాధించేసిందనో
ఆ మేఘాలను శాలువాలుగా కప్పి
ప్రతి ఆకు చేతికి అన్నేసి అక్షతలను ఇచ్చి
ఆ కొండను దీవించమంటుంది
ఈ హేమంతం.
********
ఊహలు
గుప్పిళ్ళతో నే చల్లిన
ఊహల నుండి ఎంత అందమైన
ప్రకృతి మొలిచిందో చూసావా.
********
ఋణం
తోటకు కూడా ఈయనంత తావిని
తమకైక్యత నేర్పిన దారానికిస్తూ
తమ ఋణాన్ని ఎలా తీర్చుకుంటున్నాయో
చూడా విరులు.
********
జోలపాట
జోలపాట
ఆపిందా రెప్పని
మేలుకున్న పసిపాపే
నా స్వప్నం.
*******
No comments:
Post a Comment