అవినీతి

అవినీతి 

ఊళ్లకు ఊళ్లనే కాదు 

కొండలను గుట్టలను కూడా 

కదిలించే అంకుశం గాదటోయ్ 

ఆ అవినీతి అధికారి చేతిలోని కలం.

*******

నీతిని గ్రంధస్థం 

అవినీతిని కంటస్థం చేసేవాడేనోయ్ 

అసలు భారతీయుడంటే 

*******

ఎన్ని చరణాలతో 

పల్లవిస్తోందో చూడు 

బ్రతుకుపాటలో ఆ అవినీతి.

********

శిఖండిని చూసి అస్త్రసన్యాసం చేసిన 

భీష్ముడిది తప్పు కాకపోవచ్చు గానీ 

శిఖండిలాటి నేతలను చూస్తూ 

నువ్వు ఆలోచనాస్త్రాలు 

సన్యసించడం మాత్రం......

*******

ఉదయించి చీకటిని తెచ్చిందిగా 

అస్తమిస్తేనే గానీ 

వెలుగురాదా అవినీతి.

*******