మెరుపు కొరడా
తళుకుమనే కొరడాలతో కొడుతుంటే
అక్కడ ఇంకేంతోసేపు తాముండమంటూ
ఎలా కన్నీరు మున్నీరుగా మాయమైపోతున్నాయో
చూడా కారుమేఘాలు.
********
పడవ
వయసెంత మీద పడనీ
ఊయలూగే పసితన్నాన్ని మాత్రం
వదులుకుంటుందేమిటోయ్
ఆ పడవ.
********
బోసినోరు
ఆకలితో ఓ బోసినోరు ఏడుస్తుంటే
అనురాగపు ఆకలితో
ఇంకో బోసినోరు పూడుకుపోతోంది.
*********
నిర్లిప్తత
కొందరి నిర్లక్ష్యం కన్నా
ఇంకొందరి నిర్లిప్తతే
తమని ఎక్కువగా బాధిస్తుందంటూ
వాపోతున్నాయా సంస్కృతి సంప్రదాయాలు.
*********
No comments:
Post a Comment