మహాసంగ్రామం

మహాసంగ్రామం 

మనసు దొరకబుచ్చుకోవాలనుకునే 

ప్రతి నిశ్శబ్దం వెనుక 

సమాప్తాన్ని కోరుతున్న 

ఓ మహాసంగ్రామమేదో ఉండే ఉంటుంది.

*******

కొబ్బరాకు

గాలి వాటున నాపై 

వెన్నెల వస్త్రం నేసే నేతగాడౌతుంది 

నా పెరటి కొబ్బరాకు 

ఇదిగో ఇలా.....

******

ఆధునిక కాపురాలు

ఐతే  నిశ్శబ్దం లేకుంటే రాద్ధాంతం 

అనే రెండు సేతువులే అనుసంధానిస్తున్నాయి 

కొన్ని కాపురాలనీమధ్యన.

*******

నిషా  

చెమట చుక్కల సౌందర్యాన్ని 

ఆకలి కన్నా ఎక్కువగా 

ఆస్వాదిస్తుందా నిషా.