Wednesday, June 6, 2012

మృత అభిసారికలు


కదులుతాయి కన్నీరు కారుస్తాయని శవాలనం గానీ 
వాటికన్నా గొప్పవేమీ కాదు 
ఆటవిడుపు వాంఛలు తీర్చే వారి దేహాలు
సానుభూతంటే ఎరుగని సహనం వారి సొంతం 
దేహాలపై గాయాలెన్నో విరబూసినా 
వాటిలో కూడా మధువునెతుక్కునే
తుమ్మెదల రూపాలను 
కన్నీటితో కడుగుతూ మరో తేటిని వెదికేందుకు 
ముఖం పై నవ్వు దీపాలను వెలిగించాల్సిందే 
భాగ్యము వారిది కాదంటూ వారి కన్నీళ్లు 
చెప్పకనే చెబుతున్నాయి 
ఐనా అర్ధాలతో మనకు పనేమిటోయి అందాలతో గానీ 
రా వారి దేహాలపై నీ కోర్కెల పంజా విసురు 
చిమ్మిన వారి రక్తాన్ని అత్తరుగా పూసుకుని 
ఆమె వెచ్చని కన్నీళ్లు ఆ అత్తరు ఘాటును 
తగ్గించక ముందే  
నీ పురుష సుగంధాన్ని ఈ నాగరిక లోకానికి చూపు 
భయపడకోయ్ ఓ రోజాకలి తీర్చిన 
నిన్నెందుకామె  శపిస్తుంది
అయితే గియితే ఆమె రాతనలా రాసిన ఆ దేవుణ్ణి తప్ప 
ఐనా మగాడిని శపించడం ఏ ఆడదాని కన్నీళ్లకొచ్చు.
******* 

1 comment:

  1. nice one, i have also write some lines on this topic, tomarrow i will post,

    ReplyDelete