విప్లవం

ఆ చిన్న రాయికి 

నేనిచ్చిన స్వేచ్ఛ 

ఎంతటి విప్లవాన్ని 

లేవదీసిందా చెరువులో.

*******

రెప్పలు చిలికే 

స్వప్నాలకు 

ఊహలని పేరు.

*****

ఆఖరికి అడిగి లోనికి వెళ్ళాల్సిన 

అగత్యమేర్పడిందా  కిరణానికి 

ఈ అపార్టుమెంటుల పుణ్యమా అంటూ.

*******

వానచినుకు సందడిని మళ్ళీ మళ్ళీ 

పరిచయం చేస్తుందా చెరువుకి 

ఎగిరెగిరి పడుతూ ఆ చేపపిల్ల.

******

ఎడ్ల గిట్టల 

చప్పుడునా పంటచేను  మరచినట్లు 

పిల్లల పద ఘట్టనలను ఏనాడో 

మరచిపోయిందా కాన్వెంటు ప్లే గ్రౌండ్.

******