నేను
నువ్వా? అనే ముళ్ళు
రేకరేక నూ గ్రుచ్చుతున్నా!
నేనే మనిషినంటూ విరబూసిన
అందమైన అబద్ధమే నేను.
****
రంగవల్లిక
అన్ని చుక్కలను కలపాలా,
రచించేందుకా రంగవల్లికనంటూ
చటుక్కున చిన్ని రాయిని మింగిందేమిటా తటాకం.
****
అభినందన
క్షణంలో! నదీ పాయల సౌందర్యాన్ని
విహంగ వీక్షణాన వినువీధుల వెలయించిన
ఆ మెరుపు తీగను
నా రెప్పల కరతాళ ధ్వనితో అభినందించాను.
****
మూఢనమ్మకాలు
వెలిగే దీపం తన క్రింది చీకటిని పోగొట్టలేనట్లే,
వెల్లువైన విజ్ఞానంలో కూడా పల్లవిస్తూనే ఉన్నాయి!
మూఢనమ్మకాలు.
****
No comments:
Post a Comment