అందాల విందు
అడ్డం లాటి మనసు, ఆతిథ్యమీయాలన్న ఆశ
ఈ రెండూ చాలవా? ఆకాశం కూడా మురిసి పోయేంత
అందాల విందును
ఆ నిండు జాబిలికి వడ్డించనేనంటూ
చూడు ఎలా మిడిసిపడుతోందో
అందాల ఈ పల్లె చెరువు.
*****
ఆనందబాష్పమాల
ఎంత ఆనంద పడుతోందో ఈ కడలి
తను రాల్చిన ఆనందబాష్పధారలు
మాల అయి నీ మెడను మెరుస్తున్నందుకో చెలీ!
******
అందమైన అలజడి
నాలుగు రాళ్ళను లోనికేసుకుంటూ
అలజడిలో కూడా
అందముందంటుందా చెరువు
నిజమేనంటావా?
****
మధనం
మధనం అమృతంతో ఆగిపోయింది కదా!
అలానే అంతర్మధనం కూడా
ఆనందబాష్పం తో ఆగిపోతే ఎంత బావుణ్ణు.
******
శిల
మేనితో గానీ మనసుతో గానీ
మీరు పలుకరించలేని శిలలాంటి మనుషులుంటారని
తనపై రాలిన ప్రతి పూవుతోనూ
అంటుందా శిల.
******
No comments:
Post a Comment