శంఖం

శంఖం

రహస్యాలను! నా కన్నా శ్రావ్యంగా

ఎవరు చెప్పగలరోయ్ నీ చెవిలో

అని అడుగుతున్న ఆ శంఖాన్ని చూస్తూ

అంత కన్నా తెల్లగా పాలిపోయింది

నా ప్రియురాలి ముఖం.
******

పండుటాకులు

గిట్టి, రాలిపోయినా!

తమ పరిచయాలకు పలకరింపులకొచ్చిన

లోటేమిటంటున్నాయి!

పారుతున్న ఆ సెలయేటి అండ చూసుకుంటూ

ఆ అడవి మానుల పైని పండుటాకులు.
*******

చెరువు ఆటలు

క్షణం తీరిక లేకుండా మా ఊరి చెరువు

గాలికాడుకునే ఆటలే

ఆ గట్టుకు చేరేసరికి పాటలౌతున్నాయి.
*********

తొలి లేఖ

విరబూసిన పూదోటకెలా అప్పగిస్తానో!

సెగలు గ్రక్కే ఎడారికీ అలానే అప్పగిస్తాను

నా మనసు కళ్ళాలనని,

నా కంటికే తనింటి పిలుపుల
తొలిలేఖనంపుతుందీ ప్రకృతి.
*********

మనసులు

సుక్ష్మజీవులను చూడగలుగుతున్నాం కదా అని

అంత కన్నా సుక్ష్మంగా, అంతరిక్షాలను అందుకోగలుగుతున్నాం కదా అని

అంత కన్నా దూరంగా మనసులను విసిరేసుకుంటే ఎలాగోయ్.
**********