అంతరంగపు చిటపటలు
ఆకాశపు చిటపటలకు మౌనాన్ని నేర్పి
తనను తాను పండించుకున్న ఆ బీడులా ఐతే
ఎంత బావుణ్ణు నా మనసు,
అంతరంగపు చిటపటలకు
మౌనాన్ని నేర్పుతూ.
*******
ముదుసలి అందం
ఆ ముదుసలి అందం
ఎడారి చందం అని అందామంటే
చెరగని గురుతులేవో
మాసిపోని చెలమల ఆనవాళ్లనద్దుతున్నాయి.
********
దీపం
మంచి చెడులను
తూకం వేస్తుందా దీపం
తలకాడెలుగుతూ.
*******
వెలిగే కనులు
సహనంతో ఆమె కళ్ళు
సరదాకి ఆ సహనాన్ని కొన్నానన్న
ఆనందంతో ఆతని కళ్ళు
ఇరుసంధ్యలై వెలుగుతున్నాయి
ఆ చీకటి గదిలో.
*******
No comments:
Post a Comment