కన్నతల్లి

కన్నతల్లి

ఎంచక్కా చెరువు ఒడిలో పసి పాపలా 

కూర్చుందా మేఘమనుకునే లోపే 

కరిగి తానే ఈ చెరువు కడుపు నింపే కన్నతల్లైపోయిందే. 

*********

వ్యాపార కుసుమం

దేహాలపై విరబూస్తూ 

భరించలేని దుర్గంధాన్ని వెదజల్లుతుందేమిటోయ్

ఈ వ్యాపార కుసుమం. 

********

విజ్ఞానపు వెలుగు

వినాశనమనే చీకటిని సృజియిస్తూ 

దీపంలా వెలిగి పోతోందీ విజ్ఞానమని అనుకుంటున్నాయి 

తమలో తామా పంచభూతాలు. 

********

కాంక్రీటుగోడలు

భవిత పేరు చెప్పి 

పరిమళించాల్సిన బంధపు సుగంధాన్ని 

ఆఘ్రాణించేస్తున్నాయి నాలుగు కాంక్రీటుగోడలు. 

**********