వాడిన జ్ఞాపకాలు
ఎక్కడ వాటిని చూస్తూ
విరియక ఆగిపోతాయో
ఈ మొగ్గలని కాబోలు
వాడినపూల జ్ఞాపకాలను
తుంచేసుకుంటుందా చెట్టు.
*******
అల్లరి
ప్రాణం లేకున్నా
తనలోని నాదంతో
మునిగిపోతూ
ఎంత అల్లరి చేసిందో
ఆ రాయి ఈ చెరువులో
చూసావా!
********
నిదుర
నిదురలోనైనా మొత్తంగా
నిన్ను హత్తుకుందామంటే
ఈ మాయదారి కలలు
ఇపుడే మేలుకోవాలా
అంటూ వాపోతోంది నిదుర
నవ్వే నీ రెప్పల వెనుక.
*********
ఆకాశం
కరిగి మాయమయ్యే
మేఘం కోసం
గుండెలవిసేలా రోదిస్తూ
ఉరుముతుంది ఆకాశం.
********
No comments:
Post a Comment