అలజడి
నిప్పొక చోటుంటే పొగ
ఇంకొక చోటునుండి వస్తుందంటే
నమ్మక తప్పడం లేదోయ్
అంతరంగంలో అలజడి
కళ్ళల్లో సుడితిరుగుతుంటే.
********
జ్ఞాపకం
అలలు ఎగసిపడుతున్న
నా కంటిలో
నీ ప్రతి జ్ఞాపకమూ
ఓ ఆణిముత్యమే.
*******
వసంతం
అన్నీ రాలిన మానుకు
ఒక్క చిగురాకుతో వసంతం రాదేమో గానీ
బంధాలన్నీ విదిల్చిన మనిషికి
ఒక్క పిలుపైనా నిజంగా వసంతమే.
******
దీర్ఘాలు
అతివల తలకట్లు
దీర్ఘాలు కాకుండా
పోతున్నాయీమధ్యన.
********
No comments:
Post a Comment