మెరుపు

మబ్బు తో మబ్బు చుంబిస్తేనేనా 

మెరుపొచ్చేది అని ప్రశ్నిస్తుందా  కిరణం 

ఇసుక రేణువును  చుంబిస్తూ.

******

తన తీర్మానాన్ని 

స్వాగతించే కీచురాళ్ళకు 

వ్యతిరేకించే మిణుగురులకు స్థానమిచ్చి 

తనలోని ప్రజాస్వామికతను 

చాటుకుంటుందా  చీకటి.

*******

కలసి వేయాల్సిన ఏడు అడుగులను 

ఒకరికొకరు వ్యతిరేకంగా 

వేసుకుంటూ పోతున్నారా పాట పొదరింట 

సంగీతమూ సాహిత్యమూనూ.

*******

పరిమాణంలో 

భారత రామాయణ భాగవతాలు 

మూడిటిని ముచ్చటగా 

వెనక్కు  నెట్టిందా నేతపైని 

సి బి ఐ చార్జ్ షీట్.

*******