తెలుగు బావుటా
పల్లవి: తీపినద్దాను తేనెకే
రూపునిచ్చాను వాణికే
ఊతమైనాను ఉనికికే
పోయమంటుంటె ఊపిరే
ఆర్పివేస్తావు దీపమే
చీకటేనాకు వెలుగంటు
అంధుడౌతావ ఆంధ్రుడా
చరణం: భువనం నిండిన ప్రాభవం
బలిచేస్తుంటే ఈ తరం
గురుతుకొస్తుందే నా గతం
మూగవోతోంది సుస్వరం
బలినే తొక్కిన బాపడై
పెరుగుతుంటేను పాపడే
బ్రతకనిచ్చునా నన్నింక
ఆ గీర్వాణీ పతియైన ll తీపి ll
చరణం: ఓనమాలుగా గెలిపించు
అమ్మ ప్రేమగా లాలిస్తా
పదముపదమున నను పలుకు
పూలవానలే కురిపిస్తా
నలుగురొక్కటై కాంక్షిస్తే
నాలుగుదిక్కుల నవ్వనా
మదిమదిలోనూ చోటిస్తే
తెలుగువెలుగులే పంచనా ll తీపి ll
No comments:
Post a Comment