ఎవరో ఆమె?

రాతిరేల, ఆమె ఎవరో?

కడలి సైతం మనసుపడేటన్ని, 

నిధులతో బయలుదేరింది. 

మనిషి మనిషినీ ఆపింది,

మనసు మనసునీ అడిగింది. 

రాతిరికి, తనకాశ్రయమీయమని 

కలల వేణువు నూదుతూ 

మీతో కలసిపోతానని. 

మా కలతలు మావిలేమ్మా!

నీ కలలు మాకెందుకంటూ 

అందరూ ఆమె నుండి దూరంగా జరిగారు 

చేసేది లేక దారి పట్టి పోతున్న ఆమెను 

పసి మనసులు పొదుగుకున్నాయి. 

అందుకై ఆమె 

ఆదమరిచే హాయి నిధులను వారికిచ్చి 

వారి మూగ నవ్వులతో 

తనకు  జోల పాడించుకుంటుంది 

వేళనక, పాళనక.