తెర

                          తెర 

నేటి బాలల కోసం నువ్వు లేవనుకున్నాను గాని 

బడి గోడలూ, దాటేశావని తెలుసుకోలేక పోయాను. 

సమ్మోహనాస్త్రాలు మెండుగా ఉన్న 

ఉద్వేగోన్మాదివి నువ్వు. 

ప్రేమలను విరబూయిస్తావు,

పగలే పరమార్ధమంటావు, 

రాని వయసులను రప్పించేలా నిన్ను నీవు అలంకరించుకుంటావు.  

అవును!

వర్ణశోభ, కర్ణక్షోభ తప్ప ఏమున్నాయి నీదగ్గరిప్పుడు? 
అనురాగాలను అనంత లోకాలకంపేసావు,
హితం లేని సాహిత్యాన్ని 
ఇంగితం లేని సంగీతాన్ని ఎక్కు పెట్టి ,
విలువలపై 70MM బట్ట కప్పి 
సాని బాట పట్టేవు, కసి కేళీ చూపేవు 
తెరవు, కల్ప తరువువు అనుకున్న 
ఎoదరి కళ్ళకో అడ్డు తెరగా నిలిచేవు