విశ్వ పరిణామం
అణువు నుండి తానెలా పరిణమించానో అని
తెలుసుకోవాలంటే ఈ విశ్వం
నాలోని నీ పరిచయం నుండి
ప్రస్తుతాన్ని పరీక్షిస్తే సరి.
****
సంస్కృతి
వ్యసనాలకు వయసు తగ్గిన చోట
తాను మాత్రమూ ఆయువెక్కువ పోసుకోగలదా?
సంస్కృతన్నది.
****
వెన్నెల రాజు
నిండు మనసుతో వచ్చినా?
నీ మనసుతో ఒక నిముషమైనా
మన్నన పొందగలుగుతున్నదా?
ఆ వెలలేని నెలరాజు ఈ మధ్యన!
*****
చినుకులు
అమ్మ ఒడి నుండి జారి!
అప్పుడే అనంత ప్రయాణం చేసిన తనకు
బడలిక తీర్చుకొమ్మంటూ పీటేసి,
వసించమంటూ తన పాదాల
ఇంత చోటు చూపిన మొక్కపై
పూవులై, ఎలా నవ్వులు కురిపిస్తున్నాయో చూడు
నాటి చినుకులు.
*****
No comments:
Post a Comment