వలపు పేరంటం

వలపు పేరంటం

నా ఏకాంతాన్ని పంచుకుంటూ 

ఆ వెన్నెల ఇంకా ఇంకా వెలిగిపోతుంటే,

వలపు పేరంటపు తోరణాన్ని 

ఎంతందంగా కట్టిందో చూడా కలువ 

నా కనుదోయి వాకిట. 

*****

ఆధునిక కాపురాలు

అయితే నిశ్శబ్దం లేదా రాద్ధాంతం అనే 

రెండు సేతువులే అనుసంధానిస్తున్నాయి 

కొన్ని ఆధునిక కాపురాలనీమధ్యన 

******

ఆధునిక అందాలు

ఆభరణాలను, ఆచ్చాదనలను వదిలేసి 

నిగ్రహాలు, గౌరవాలు కావాలంటున్నాయి 

ఆధునిక అందాలు కొన్ని 

******

మౌనరాగాలు

పొదల ఎదలలో దాగిన 

మౌనరాగాలను తన గొంతుతో 

ఎంత చక్కగా ఆలపిస్తుందా గాలి. 

******