Friday, April 27, 2012

పరిచయం 

నా అడుగులనెంత లోతుగా
పరిచయం చేసుకుంటుందో
ఆ కడలి తీరం
ఎంత లోతుగా నా లోకి
అడుగులు వేస్తూ పరిచయమౌతుందో
ఈ పూలహారం.
*******
ఎవరెస్టుకు జాబిలికీ కూడా
దగ్గరైన పాద ముద్రలు
పాపమెందుకో
దూరమౌతున్నాయా పంట చేలకీమధ్యన.
*******
తొలి సంధ్య వెలుగునా కాన్వెంటులు
మలిసంధ్య చీకట్లనా వృద్ధాశ్రమాలు
ఎంతందంగా దక్కించుకుంటున్నాయో.
*******
నడకలు నేర్పడంలో
వాన చినుకుకు సాటెవ్వరంటూ
చూడా మన్ను.
*******
లాకర్లలో
ఆ పూల మనసులు దాచే
బ్యాంకా తేనెపట్టు.
*******

No comments:

Post a Comment