పూలను నక్షత్రాలను ఇచ్చి పుచ్చుకుంటే
ఆ నింగి ఈ నేల
నా కళ్ళు నిజంగానే
నెత్తి  మీద కొస్తాయేమో
       ********
మేఘాలలో నాటిన
నా గుప్పెడు ఊహలే
ఈ నేలన అడవులై మొలిచాయి .
            *********
అంచు దొరికితే ఆవల ఏముందో
కనిపెట్టేస్తానని కాబోలు
అంచు నాకు కనబడనీయదా ఆకాశం.
            *********
నా కళ్ళు కావలి కాస్తున్నయన్న
ధైర్యం తో కాబోలు
ఆకాశం దాక ఎగిరేస్తోందా గువ్వ.
            *********
ఎప్పుడూ పూలనే చూసే
నా కన్నుల నుండి బొట్లు బొట్లు గా
నీరు గారుతుంటే ఆ మకరందమేమోనని
రుచి చూసా అదైతే కాదు గానీ
ఇంతలో నేలపై పడే నా నీడలోని
కను రెప్పల పై
తుమ్మేదలదేపనిగా వాలుతున్నాఎందుకో.
              **********
తను నేర్పినట్లుగా
నాట్యమాడుతున్నాడని
సేషునికి ఎదురు దక్షిణ ఇచ్చే
గురువా పువ్వు.